गजल-९

Posted by

उतारचढाव उस्तै छ।
अटुट चकाव उस्तै छ।

सरकारको कालो प्रश्न,
गोविन्द जवाफ उस्तै छ।

प्रगति केही देखिनु छैन
नेकपा रवाफ उस्तै छ।

महंगी केवल, तिम्रो-मेरो
मन्त्रीको शराब उस्तै छ।

भनेजस्तो आज नभए’नि
काममा लगाव उस्तै छ।

नामको मात्र हो, लोकतन्त्र
देशमा अभाव उस्तै छ।

जहाज र रेल, गफ भए
विदेशी प्रभाव उस्तै छ।

दोष आखिर जति होस
नियोजित माफ उस्तै छ।

कस्तो भविष्य सोच्ने हो?
समय खराब उस्तै छ।