अस्तित्व-१

Posted by

मैंले नकमाएको पैसाले
मलाई पिरोल्दै गर्दा,
म लेख्दैथिएँ।
लेख्दैथिएँ।

मैंले नलेखेको कविताले
मलाई पिरोल्दै गर्दा,
म कमाउँदै थिएँ।
कमाउँदै थिएँ।

मेरा अक्षरहरू,
मेरा कमाईहरु,
फगत माटो हुन्।
माटो हुन्।

निष्कर्ष:
जीवन्त माटोमा,
जीवनको अनुपस्थिति
असामान्य होइन।
होइन।

प्रेमपूर्ण रिस, रिसपूर्ण प्रेम;
लोपोन्मुख,
मानवताका कुरुप अवशेष हुन।
कुरुप अवशेष हुन।
अवशेष हुन।

बाँचुन्जेल,
प्रत्येक वनस्पतिसंग,
एक-मुठी हावा आदानप्रदान गरिन्छ।
आदानप्रदान गरिन्छ।
गरिन्छ।

प्रश्न उठ्छ,
कस्को अस्तित्व, कुन गहिराइमा भेटिन्छ?
राजा होस् की रैती,
प्राण, सधैं सतहमै सकिन्छ।
सतहमै सकिन्छ।
सकिन्छ।

Image Source: Aristeia Press